Mashup അമ്പവന്റമ്പിയായിൽ

അമ്പവന്റമ്പിയായിൽ  മുംബർ ഹബീബ് 

തിങ്കളായ് ലെങ്കിടുന്ന തങ്ക സിറാജ് 

ഭംഗിയിൽ മങ്ങിടുന്നു സന്ധ്യ നിലാവ് 

ചന്തമെഴും ചന്ദിരനാണെന്റെ റസൂൽ..... 

            *******

അല്ലാഹുവിന്റെ അന്ത്യ പ്രവാചകർ 

കണ്മണി ത്വാഹാ റസൂലുള്ളാഹ് 

അൽ അമീനിന്റെ സൗരഭ്യമേറുന്ന

മദ്ഹിന്നൊരുനാളും അതിരില്ല....

               *******

മദീന നഗരമെ മധുര പൂങ്കാവനമെ

മുഹമ്മദ്‌ നബി മറഞ്ഞ മഹൽ പ്രദേശമേ

മഹിയിൽ പുകൽ പെറ്റ മഹത്വമേറും സുവനമെ

മദീന മദീന പൂമദീന 

മദീന മദീന പൂമദീന.... 

              *******

മിഴി നീട്ടി നോക്കുമ്പോൾ അഴകായ് ജ്വലിക്കുന്നു

ത്വാഹാ റസൂലുല്ലാഹ് ഇഷ്ഖിനാൽ

മിഴി  പൂട്ടി ഞാനൊന്നുറങ്ങിയാൽ കനവിൽ 

വന്നെത്തും ഹബീബുള്ളാഹ്.. 

മുത്ത് നബിയുല്ലാഹ്.....

            *******

അറബിക്കടലിന്റെ അക്കരെ നാട്ടിലെ 

മുത്ത് റസൂലല്ലേ..ത്വാഹാ

പുണ്യ മദീനത്ത് അന്തിയുറങ്ങുന്ന

പൂർണ്ണ നിലാവല്ലേ.. ശോഭയിൽ 

ലെങ്കും ഹബീബല്ലേ.....

              *******

ചെന്താമരപ്പൂവിൻ നിറമുള്ള നബിയെ

മുല്ല മലരിൻ മണമുള്ള നബിയെ

അമ്പവനിമ്പ റസൂലായ നബിയെ

അഷ്‌റഫുൽ ബഷറായ

 ത്വാഹാ റസൂലെ...

       *******

കഥനം നിറക്കുമെൻ കണ്ണു നീരാലെ ഞാൻ

എഴുതുന്നു ത്വാഹാവേ

കനലാലെരിയും നെഞ്ചിന്റെ ചുടുരക്തം മഷിയാക്കി രാജാവേ...

ഇടറുന്ന പാപി ഞാൻ 

പദമൊന്നു ചേർത്തിടാൻ

അരികിൽ നബിയോരേ

വിധിയില്ല പതികന്റെ സദനം

മദീനതൻ തണലാക്കി ത്വാഹാവേ....

            *******

മക്കത്ത് പൂത്തൊരു ഈന്തമരത്തിലെ ഒരിലയായെങ്കിൽ... 

ഹക്കൊത്ത റസൂലുല്ലഹ്

നട കൊണ്ട വഴിയിലെ 

മൺതരിയായെങ്കിൽ.....

               *******

ഉള്ളിലെരിയുന്ന വേദന ചൊല്ലുവാൻ 

എന്റെ ഹബീബല്ലാതാരാണ്

മുല്ല മലരിന്റെ സാന്ത്വനമില്ലെങ്കിൽ

അല്ലലൊഴിയുന്നതെന്നാണ്.....

             *******

കിനാവിൽ ഹബീബിനെ കാണാൻ കൊതിക്കുന്ന 

ഒരു പാപി പാടുന്നിതാ... 

വിഷാദങ്ങളാലെ ഞാൻ പാടുന്ന തിരുഗീതം

(കേൾക്കും നബിയെ അസ്സലാം)...... 2

            *******

മുഹമ്മദ്‌ റസൂലുല്ലഹ്  കിനാവിലൊന്നണയുവാൻ 

 ഇനിയെത്ര രാവുകൾ ഞാനുറങ്ങണം...

ബദ്റൊളി തൂകുന്ന പുന്നാര പൂമുഖം

കാണുവാൻ ഇനിയെത്ര കാത്തീടണം...

യാ ഹബീബി യാ സനദീ യാ റസൂലല്ലാഹ് 

യാ ഹബീബി യാ സനദീ യാ റസൂലല്ലാഹ്... 

             *******

സാഗരം ദൂരെ ഒളി ലെങ്കിടും നൂറെ 

സാദരം ചാരെ അണയേണമിവൻ പൂവേ

ചൊല്ലിടുന്നിതാ നിലാവേ 

സങ്കടങ്ങളേറി ഞാനേ.... 

ത്വയ്ബ തൻ ചാരെ ദിനരാത്രികളില്ലാതെ 

ചൊല്ലി ഞാനേറെ സ്വലവാത്തുകൾ എൻ ജീവേ

കഥനമൊന്നു കേൾക്കു നൂറെ 

കനവിലൊന്നു വാ നിലാവേ......

             *******

ചേലൊത്ത പുണ്യ റബീഇൻ അമ്പിളി

വാനിലുദിച്ചുള്ള നേരം 

താഴത്ത് മണ്ണിലെ കോടി ജന്മങ്ങൾ

പാടുന്നു പ്രേമ സംഗീതം 

ത്വലഅൽ ബദ്റുവിലാസ്വര ജയഭേരിയുണർന്നു

തിരു ത്വാഹ തങ്ങളിലായിരം 

സ്വലവാത്ത് മൊഴിഞ്ഞു..... 

         *******

Come everyone to say lovely

Salam salam 

come everyone to say lovely 

Salam salam(2)

http://www.noorehabeeb.blogspot.com